Выйшла ў свет кніга пра сустрэчы Папы з езуітамі
Марыя Валодзіна - Vatican News
Кніжная навінка выйшла ў выдавецтвах Garzanti і Libreria Editrice Vaticana і з’явілася ў кнігарнях 17 верасня 2024 года. Яе рэдактарам стаў ксёндз Антоніа Спадара, падсакратар Дыкастэрыі па справах культуры і адукацыі.
Назвай зборніка паслужылі словы, з якімі Францішак звярнуўся да членаў Таварыства Езуса падчас апостальскага падарожжа ў Дэмакратычную Рэспубліку Конга ў лютым 2022 года. Яны адлюстроўваюць яго пасланне любові і адказнасці. У прыватных дыялогах з сабратамі Пантыфік часта выказваў глыбокія думкі і пачуцці адносна сваёй місіі.
Ксёндз Антоніа Спадара, які суправаджаў Пантыфіка ў падарожжах, стаў сведкам гэтых знаёмстваў і гутарак. На сённяшні дзень адбылося васямнаццаць размоў, якія і ўвайшлі ў кнігу. Яны сведчаць пра асноўныя каштоўнасці пантыфікату Францішка, такія як ласка, суцяшэнне, свабода, надзея, адкрытасць да абнаўлення і, перш за ўсё, братэрства і спачуванне да блізкага.
Прэзентацыя кнігі адбудзецца ў нядзелю, 22 верасня 2024 года на культурным мерапрыемстве Pordenonelegge.
