Францішак правёў аўдыенцыю для трох кардыналаў з ЗША
Аляксандр Амяльчэня - Vatican News
Кардыналы, якія сустрэліся з Святым Айцом – гэта Джозэф Уільям Тобін з Ньюарка, Блэйз Джозэф Сьюпіч з Чыкага і Роберт Уолтэр Макэлрой з Сан-Дыега. Усе трое прымаюць удзел у Сінодзе Біскупаў, які зараз праходзіць у Ватыкане.
Кардыналы Сьюпіч і Макэлрой былі асабіста прызначаны Францішкам у якасці ўдзельнікаў Сінода. Кардынал Тобін прысутнічае на Асамблеі як чалец сінадальнай рады.
На сустрэчы з Пантыфікам не прысутнічалі прадстаўнікі, абраныя Канферэнцыяй Біскупаў ЗША для ўдзелу ў Сінодзе Біскупаў, уключаючы яе старшыню, арцыбіскупа Цімаці Броліё.
Епіскапат ЗША з'яўляецца адной з найбуйнейшых нацыянальных біскупскіх канферэнцый у свеце і грае важную ролю ў фарміраванні агульнага парадку дня Каталіцкага Касцёла ў краіне.
