Афіцыйнае адкрыццё пасольства Швейцарыі пры Святым Пасадзе
Аляксандр Амяльчэня - Vatican News
Падчас урачыстага адкрыцця дыпламатычнага прадстаўніцтва ў Рыме 19 красавіка 2023 года Міністр замежных спраў Швейцарыі Іньяцыа Касіс падкрэсліў, што дзве краіны падзяляюць агульную італьянскую мову, хрысціянскія каштоўнасці, кіруюцца каталіцкай верай і прынцыпамі знешняй палітыкі.
“Абедзве нашы краіны невялікія, абедзве нейтральныя з універсальнымі памкненнямі, і мы падзяляем прыхільнасць да пастаяннага пошуку міру і дапамогі слабым”, - сказаў палітык. Акт аб адкрыцці аб'екта падпісалі Міністр замежных спраў Швейцарыі і Дзяржаўны сакратар Яго Святасці. Кардынал П’етра Паралін асвяціў памяшканне пасольства.
У кароткай прамове іерарх падкрэсліў сяброўскія адносіны паміж Швейцарыяй і Апостальскай Сталіцай, высока ацэньваючы, між іншым, Швейцарскую гвардыю, якая з 1506 года застаецца ваеннай аховай Пантыфікаў.
