Кардынал Дзупі: у нас пакуль няма плана, які б прывёў да перамоў
Мы абмяркуем з Святым Айцом тое, што пачулі, у нас пакуль няма плана, які мог бы паспрыяць пачатку перамоў, - прызнаўся кардынал Матэа Дзупі.
Аляксандр Амяльчэня - Vatican News
У кулуарах святкавання 10-годдзя падарожжа Францішка на Лампедузу, якое праходзіла на Віле Палавічыні ў Балонні, старшыня Канферэнцыі Біскупаў Італіі коратка пракаментаваў сваё нядаўняе падарожжа ў Маскву ў рамках місіі, даручанай яму Папам.
“Мы вельмі зацікаўлены ў гуманітарнай справе і абароне нявінных жыццяў. Няма мірнага плана, няма пасрэдніцтва, ёсць вялікае жаданне спыніць насілле і захаваць чалавечыя жыцці, пачынаючы з абароны самых маленькіх”, - сказаў спецыяльны папскі пасланнік у Кіеве і Маскве.
03 ліпеня 2023, 10:42
