Ватыканска-казахстанская дамова пачала дзейнічаць
Пачало дзейнічаць пагадненне паміж Святым Пасадам і Рэспублікай Казахстан аб візах і відах на жыхарства для каталіцкіх місіянераў.
Аляксандр Амяльчэня - Vatican News
Зала Друку Святога Пасада паведаміла, што 19 ліпеня 2023 года была завершана працэдура, неабходная для ўступлення ў сілу Дадатковай дамовы да Дамовы паміж Апостальскай Сталіцай і Казахстанам аб узаемных адносінах, падпісанай у Нур-Султане 14 верасня 2022 года.
Дакумент мае на мэце больш шырокую рэалізацыю 2-га артыкула двухбаковага пагаднення ад 24 верасня 1998 года, спрашчаючы выдачу віз і відаў на жыхарства для замежных святароў і манаскіх асоб, якія займаюцца душпастырствам сярод католікаў у Казахстане. Тэкст складаецца з прэамбулы і васьмі параграфаў. Як было заяўлена падчас падпісання, дамова накіравана на далейшае паглыбленне сяброўскіх сувязей і супрацоўніцтва паміж бакамі.
20 ліпеня 2023, 11:37
