Святар: свет забыўся пра Афганістан і яго адчайную сітуацыю
Аляксандр Амяльчэня - Vatican News
Праз тры гады пасля прыходу да ўлады талібаў, святар заклікаў міжнародныя і няўрадавыя арганізацыі аднавіць падтрымку афганцаў.
Скалезэ адзначыў драматычную сітуацыю з харчаваннем, аховай здароўя і адукацыяй у Афганістане. Ён таксама ўказаў на завяршэнне стогадовай прысутнасці Каталіцкага Касцёла ў краіне і адсутнасць афіцыйнай хрысціянскай супольнасці.
Італьянец падкрэсліў значнасць дабрачыннай дзейнасці Касцёла і згадаў пра Місіянерак міласэрнасці, якія кіравалі прытулкам для дзяцей-інвалідаў. Ён таксама нагадаў пра прысвячэнне Афганістана Беззаганнаму Сэрцу Марыі ў 2017 годзе, што асабіста лічыць знакам надзеі на будучыню.
Ксёндз Скалезэ выказаў спадзяванне на тое, што нягледзячы на цяжкасці і забыццё, Афганістан не будзе пакінуты Марыяй, і яго жыхары застануцца пад абаронай Бога.
