Кардынал Дзупі абмеркаваў з Лаўровым гуманітарныя пытанні
Аляксандр Амяльчэня - Vatican News
Размова адбылася ў рамках гуманітарнай ініцыятывы Святога Пасада па Украіне. Паводле паведамлення расійскага МЗС, бакі абмеркавалі ўзаемадзеянне ў гуманітарнай сферы ў кантэксце канфлікту вакол Украіны, а таксама закранулі шэраг актуальных пытанняў двухбаковага і міжнароднага парадку дня.
Падчас сустрэчы было адзначана "канструктыўнае развіццё расійска-ватыканскага дыялогу". Нягледзячы на складаную міжнародную сітуацыю, Святы Пасад працягвае сваю місію па пошуку шляхоў да міру і аказанні гуманітарнай дапамогі.
Візіт кардынала Дзупі ў Маскву з'яўляецца працягам яго місіі ў рамках гуманітарнай ініцыятывы Святога Пасада па Украіне. Гэта падкрэслівае важнасць, якую Францішак надае пошуку мірнага вырашэння канфлікту і палягчэнню пакут мірнага насельніцтва.
