Папскі прапаведнік: на крыжы Бог паказаў сваю прыроду
Медытацыя прагучала раніцай 12 красавіка 2019 г. у капліцы “Redemptoris Mater” ватыканскага Апостальскага палацу. Падчас яе айцец Раньера Канталамеса звярнуў увагу на тое, што свет не здолеў распазнаць Бога ў велічы і мудрасці стварэння, таму Ён вырашыў аб’явіцца адваротным чынам, “праз бяссілле і неразумнасць крыжа”.
, - сказаў прапаведнік.
Капуцын зазначыў, што на крыжы Бог аб’явіўся цалкам адваротным чынам, у параўнанні з тым, што пра Яго думалі людзьмі. “У пэўным сэнсе, толькі тады, на крыжы, Бог аб’явіўся “паводле роду свайго”, аб’явіўся ў тым, што Яму ўласціва”, - дадаў ён.
Паводле прапаведніка, людзі інстынктыўна шукаюць Бога ў магутнасці, але Евангелле паказвае, што “сапраўдная ўсемагутнасць – гэта поўнае бяссілле Кальварыі”.
, - сказаў манах.
Айцец Канталамеса заўважыў, што прырода любові – гэта пакора. “Гэта можна ўбачыць, калі паміж дзвюма асобамі ўзнікае каханне. Калі малады чалавек, згодна з традыцыяй, становіцца на калена перад сваёй дзяўчынай, просячы яе рукі, ён робіць самы радыкальны чын пакоры ў сваім жыцці, становіцца жабраком. Ён нібыта кажа: “Мне не дастаткова толькі сябе самога. Каб жыць, мне патрэбна ты”, - заўважыў прапаведнік.
, - дадаў ён.
У апошняй частцы свайго казання капуцын падкрэсліў, што “нашым адказам перад абліччам таямніцы”, якую літургія дапамагае перажыць на працягу Вялікага тыдня, з’яўляецца вера, праз якую прымаем тое, што Езус здабыў для нас – вера, якая “крадзе” Божае Валадарства.
Манах заклікаў скінуць з сябе аддзенне старога чалавека, якім з’яўляецца грахі і мізэрнасць, і апрануцца ў справядлівасць, якую Хрыстус здабыў для нас. Трэба пачаць наследаваць Езуса ў жыцці, нясучы крыж адзін аднаго, цярпечы разам з бліжнімі, церпячы за Бога і Касцёл і чэрпаючы сілы ў веры і сакрамэнтах.
