Святы Пасад распрацаваў адмысловы фармуляр Імшы падчас пандэміі

Адмысловая Эўхарыстыя можа адбывацца ва ўсе дні, за выключэннем урачыстасцей і нядзель Адвэнту, Вялікага посту і Велікоднага перыяду, Велікоднай актавы, Успаміну ўсіх памерлых, Папяльцовай серады і Вялікага тыдня, на працягу трывання пандэміі.

Дэкрэт з’яўляецца адказам на шматлікія просьбы, дасланыя на адрас Кангрэгацыі. Да яго далучаны фармуляр св. Імшы. Малітва ўключае просьбы аб вечным жыцці для памерлых, суцяшэнні тым, хто плача, вылячэнні хворых, спакоі для паміраючых, сіле тым, хто ахвяруе сабой у сферы ахове здароўя, а таксама аб мудрасці для ўладаў і духу добрай волі для ўсіх.

Св. Імша падчас пандэміі ўвайшла ў групу фармуляраў “Імшы ў розных патрэбах”. Падчас яе будзе ўжывацца літургічнае адзенне фіялетавага колеру, паколькі яна носіць пакутную форму. Кангрэгацыя парэкамендавала выкарыстоўваць V Эўхарыстычную малітву і дазволіла браць літургічныя чытанні з Літургіі слова адпаведнага дня.

Фармуляр св. Імшы і Літургіі слова на беларускай мове падрыхтавала Секцыя па перакладзе літургічных тэкстаў і афіцыйных дакументаў Касцёла і размясціла на сайце Касцёла ў Беларусі.