Прэзідэнт Латвійскай Рэспублікі з візітам у Ватыкане
10 мая 2021 г. Францішак прыняў на аўдыенцыі ў ватыканскім Апостальскім палацы Прэзідэнта Латвійскай Рэспублікі Эгілса Левітса. Пазней палітык сустрэўся з кардыналам Дзяржсакратаром П'етра Паралінам.
Аляксандр Амяльчэня - Vatican News
Падчас сардэчных размоў было выказана задавальненне добрымі двухбаковымі адносінамі, адзначаны важны ўклад хрысціянскай веры і Каталіцкага Касцёла ў прасоўванне сапраўднага гуманізму, духоўнае вымярэнне, абарону годнасці чалавека і сям'і.
Сёлета адзначаецца стагоддзе дыпламатычных адносін паміж Апостальскай Сталіцай і Латвіяй.
Бакі спыніліся на пытаннях, якія ўяўляюць агульны інтарэс як на міжнародным, так і на рэгіянальным узроўнях, пацвердзіўшы жаданне супрацоўнічаць у пошуку агульнага дабра і ў прасоўванні культуры, якая спрыяе міру і братэрству паміж народамі.
10 мая 2021, 14:46
