Святы Пасад: дакумент аб біблейскіх крыніцах сінадальнасці
Аляксандр Амяльчэня - Vatican News
Выданне, якое распрацавала міжнародная біблейская група Камісіі па духоўнасці пры Сакратарыяце Сінода, прапануе lectio divina і аналіз тэкстаў Старога і Новага Запавету, што павінна служыць больш глыбокаму разуменню феномена сінадальнасці. Тэксты маюць на мэце дапамагчы мясцовым Касцёлам у бягучых сінадальных кансультацыях і наступных этапах сінадальнага працэсу.
Акрамя lectio divina і аналізу тэкстаў Святога Пісання, дакумент утрымлівае фрагменты дагматычнай канстытуцыі Dei Verbum Паўла VI і адгартацыі Verbum Domini Бэнэдыкта XVI, прысвечаныя сінадальнасці ў Касцёле.
17 кастрычніка 2021 года ва ўсіх дыяцэзіях свету распачаў працу Сінод Біскупаў, які склікаў Францішак на тэму: На карысць Касцёла сінадальнага: камунія, удзел і місія. Цяперашні Сінод – унікальны, ён мае адмысловую методыку працы. Упершыню асамблея праходзіць у тры этапы: на мясцовым, кантынентальным і ўніверсальным узроўнях, і ахоплівае перыяд з кастрычніка 2021 года па кастрычнік 2023 года.
