Папа ўзначаліў першае пасяджэнне абноўленай Рады кардыналаў
Аляксандр Амяльчэня - Vatican News
Чальцамі абноўленай Рады сталі кардыналы: П’етра Паралін, Дзяржсакратар Яго Святасці Папы; Фернанда Вергес Альсага, старшыня Губернатарата Дзяржавы Ватыкан; Фрыдалін Амбонга Бесунгу, арцыбіскуп Кіншасы; Освальд Грасіяс, арцыбіскуп Бамбея; Шон Патрык О'Мэлі, арцыбіскуп Бостанскі; Хуан Хасэ Амела Амела, арцыбіскуп Барселоны; Жэраль Лакруа, арцыбіскуп Квебека; Жан-Клод Олерыш, арцыбіскуп Люксембургскі; Сержыа да Роча, арцыбіскуп Сан-Сальвадор-дэ-Бая. Сакратаром застаўся біскуп Марка Меліна.
Рада кардыналаў была заснавана Францішкам 28 верасня 2013 года з задачай дапамагаць яму ў кіраванні Паўсюдным Касцёлам і стварыць праект рэформы Рымскай курыі, які быў рэалізаваны ў новай Апостальскай канстытуцыі Praedicate Evangelium, апублікаванай 19 сакавіка 2022 года. Першае пасяджэнне групы адбылося 1 кастрычніка 2013 года. Апошняя сустрэча ў снежні 2022 года была прысвечана, у прыватнасці, кантынентальнай фазе Сінода па сінадальнасці.
