Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Беларуская праграма Vatican News
Расклад Падкасты
Архіўнае фота. Падчас Сінода Біскупаў у 2018 годзе. Архіўнае фота. Падчас Сінода Біскупаў у 2018 годзе.  (ANSA)

Значна вырасла роля свецкіх вернікаў у Сінодзе Біскупаў

Большы ўдзел свецкіх вернікаў, у тым ліку права голасу для іх, прадугледжваецца ў апублікаваным 26 красавіка 2023 года ў Ватыкане дакуменце адносна Звычайнай Генеральнай Асамблеі Сінода Біскупаў.

Аляксандр Амяльчэня - Vatican News

Навінкай з'яўляецца ўвядзенне ў склад Сінода пяці манахінь і пяці манахаў, выбраных іх супольнасцямі, замест дзесяці святароў з інстытутаў кансэкраванага жыцця. Яны будуць прадстаўляць сваіх генеральных настаяцеляў і атрымаюць права голасу.

Акрамя таго, больш не будзе аўдытараў. На Сінодзе замест іх будуць прысутнічаць 70 асоб, якія не з’яўляюцца біскупамі: святары, кансэкраваныя жанчыны, дыяканы, свецкія вернікі з мясцовых Касцёлаў. Іх абярэ асабіста Папа са спісу з 140 чалавек, вызначаных (не абраных) сямю міжнароднымі біскупскімі асамблеямі (па 20 ад кожнай з гэтых касцёльных устаноў). Дакумент прадугледжвае, што палову з іх павінны складаць жанчыны, таксама будзе вітацца прысутнасць моладзі. Пры вызначэнні кандыдатаў трэба ўлічваць не толькі іх агульную культуру і разважлівасць, але і іх веды, як тэарэтычныя, так і практычныя, а таксама іх удзел у сінадальным працэсе. Усе яны будуць мець права голасу.

Акрамя вышэйзгаданых 70 асоб, якія не з'яўляюцца біскупамі, сярод чальцоў Асамблеі могуць быць і іншыя не-біскупы, якіх вызначыць асабіста Пантыфік.

Трэцім новаўвядзеннем стане асабістае прызначэнне Святым Айцом прадстаўнікоў дыкастэрый Святога Пасада, якія змогуць удзельнічаць у Генеральнай асамблеі. Раней на Сінодзе заўсёды прысутнічалі кіраўнікі дыкастэрый, і рабілі яны гэта па пасадзе.
 

26 красавіка 2023, 15:43
Prev
February 2025
SuMoTuWeThFrSa
      1
2345678
9101112131415
16171819202122
232425262728 
Next
March 2025
SuMoTuWeThFrSa
      1
2345678
9101112131415
16171819202122
23242526272829
3031