Кардынал Краеўскі: Папа ў Фаціме нагадвае пра моц малітвы
Аляксандр Панчанка – Vatican News
Прэфект Дыкастэрыі па міласэрным служэнні згадаў у каментары для Vatican News, што ў 2022 годзе ад імя Святога Айца наведаў фацімскі санктуарый, каб адтуль далучыцца да чыну прысвячэння Расіі і Украіны Беззаганнаму Сэрцу Найсвяцейшай Панны Марыі, які Пантыфік асабіста здзейсніў у ватыканскай базіліцы.
Паводле кардынала Краеўскага, Францішак хоча сказаць усім, што малітва мае моц, калі мы па-сапраўднаму маем веру. “Ён верыць, што найбольшай, наймацнейшай, наймагутнейшай зброяй вернікаў з’яўляецца малітва. Таму ён адправіўся туды, каб асабіста папрасіць Маці Божую, каб скончылася гэтая надзвычай знішчальная для абодвух народаў вайна, якая з’яўляецца таксама пагрозай для Еўропы і міру ў свеце”, - дадаў ватыканскі іерарх.
