Святы Пасад прыняў групу святароў, вызваленых з турмы ў Нікарагуа

Аляксандр Панчанка - Vatican News

“Магу пацвердзіць, што Святы Пасад атрымаў просьбу прыняць дванаццаць святароў з Нікарагуа, якія нядаўна былі вызвалены з турмы. Святы Пасад пагадзіўся”, - заявіў Матэа Бруні.

Святары вылецелі ў Рым самалётам. “Сёння днём іх сустрэне супрацоўнік Дзяржаўнага сакратарыята, яны будуць размешчаны ў некаторых структурах Рымскай дыяцэзіі”, - дадаў афіцыйны прадстаўнік Святога Пасаду 19 кастрычніка 2023 года, адказваючы на пытанні журналістаў.