У Ватыкане праходзіць вэбінар на тэму інклюзіўнасці
Марыя Валодзіна - Vatican News
Вэбінар пройдзе ў Ватыкане 4-6 снежня 2023 года. Яго ўдзельнікі паспрабуюць адказаць на пытанне аб тым, як палепшыць чалавечыя і сацыяльныя ўмовы жыцця людзей з абмежаванымі магчымасцямі ў сучасным свеце.
Людзі з абмежаванымі магчымасцямі маюць патрэбу ў дапамозе, каб ажыццяўляць асноўныя віды жыццядзейнасці. Фізічная або псіхічная інваліднасць чалавека абмяжоўвае яго самастойнае жыццё, - гаворыцца ў паведамленні Папскай акадэміі сацыяльных навук.
На сённяшні дзень не існуе дакладных дадзеных аб колькасці людзей з абмежаванымі магчымасцямі ў свеце. Паводле ацэнак міжнародных арганізацый, 16% насельніцтва свету пакутуе ад сур'ёзных захворванняў, якія прыводзяць да інваліднасці. Гэта прыкладна 1,3 мільярда чалавек. Аднак гэта вельмі прыблізная лічба, таму што ў свеце адсутнічае агульнапрынятае вызначэнне інваліднасці. Сацыяльныя межы інваліднасці значна шырэй. Розныя выпадкі, формы і ступені інваліднасці заслугоўваюць нашай увагі і дакладнага вывучэння. Людзі з абмежаванымі магчымасцямі – гэта не статыстычныя дадзеныя, а запрашэнне да салідарнасці і спагады, да смеласці ператварыць іх досвед у наш асабісты вопыт і высветліць, як наша грамадства можа адрэагаваць на вокліч інвалідаў, - лічаць арганізатары вэбінара.
Мэта пленарнай асамблеі Папскай акадэміі сацыяльных навук, у рамках якой праводзіцца падрыхтоўчы вэбінар, - вывучыць і вызначыць траекторыі, па якіх варта рухацца ў напрамку інклюзіўнасці для людзей з абмежаванымі магчымасцямі. Асамблея адбудзецца ў Рыме 9-11 красавіка 2024 года.
