Рада кардыналаў: дыскусіі пра ролю жанчын і евангелізацыю
Аляксандр Панчанка - Vatican News
У сустрэчы разам з Папам удзельнічалі кардыналы, якія ўваходзяць у склад структуры, і яе сакратар. Раніца першага дня нарада была прысвечана ролі жанчын у Касцёле. У абмеркаванні гэтай тэмы бралі ўдзел сястра Лінда Почар, з кангрэгацыі Дачкі Марыі Успамогі Хрысціянаў, прафесар хрысталогіі і марыялогіі на Папскім факультэце педагагічных навук Auxilium у Рыме; Джуліва дзі Берардзіна, кансэкраваная свецкая верніца з дыяцэзіі Верона, выкладчыца і кіраўніца курсаў духоўнасці і духоўных практыкаванняў; а таксама доктар Джо Бэйлі Уэлс, епіскап Англіканскай Царквы і намесніца Генеральнага сакратара Англіканскай супольнасці. Затым удзельнікі пасяджэння працягнулі дыскусіі аб бягучых сінадальных працэсаў, у прыватнасці аб паўсюдным Касцёле.
6 лютага галоўнай тэмай была евангелізацыя. Удзельнікі пасяджэння выслухалі даклады прапрэфектаў Дыкастэрыі па справах евангелізацыі: арцыбіскупа Рына Фізікелы і кардынала Луіса Антоніа Тагле. У другой палове дня 7 лютага ў прысутнасці Святога Айца былі абмеркаваны іншыя тэмы. Чарговае пасяджэнне Рады кардыналаў адбудзецца ў красавіку 2024 года.
