Ватыкан наведаў віцэ-прэзідэнт Ганы

Аляксандр Амяльчэня - Vatican News

Афрыканскі палітык правёў сустрэчу і з арцыбіскупам Полам Галахерам, сакратаром па сувязях Святога Пасада з дзяржавамі і міжнароднымі арганізацыямі. Падчас яе былі адзначаны добрыя адносіны паміж Святым Пасадам і Ганай. Закраналіся некаторыя аспекты палітычнага і сацыяльна-эканамічнага становішча краіны, асабліва супрацоўніцтва ў галіне адукацыі і аховы здароўя.

У ходзе размовы адбыўся таксама абмен думкамі па актуальных міжнародных выкліках, у прыватнасці, праблемах бяспекі ў краінах Заходняй Афрыкі і Гвінейскага заліва.