Папа ўхваліў новыя дэкрэты Дыкастэрыі па справах кананізацыі
Аляксандр Панчанка - Vatican News
Два дэкрэты тычацца прызнання мучаніцтва ахвяр антыхрысціянскага пераследу ў Албаніі ў першай палове ХХ стагоддзя: айца Луідза Паліка (свецкае імя Маці) з Ордэна меншых братоў, які быў забіты з нянавісці да веры ў 1913 годзе, і дыяцэзіяльнага святара, ксяндза Гёна Газулі, забітага з нянавісці да веры ў 1927 годзе.
Яшчэ чатыры дакументы тычацца прызнання гераічнасці цнот. Гаворка ідзе пра двух італьянцаў: айца Ісая Калумбра (1908-2004) з Ордэна меншых братоў, і сястру Марыю Кастанцу Дзаўлі (свецкае імя Пальма Пасква, 1886-1954) з кангрэгацыі Служак Найсвяцейшага Сэрца Езуса, заснавальніцу Служак Адарацыі Найсвяцейшага Сакрамэнту; а таксама пра дзвюх іспанак: Асунсьён Сакрамэнту Санчас-Санчас (1911-1946) з інстытута кансэкраванага жыцця Cruzada Evangélica, і Вісэнту Гільяртэ Алонса (1879-1960), законніцу з кангрэгацыі Дачок Езуса.
