Святы Пасад вітае прызнанне біскупа Цяньцзіня кітайскімі ўладамі
27 жніўня 2024 года Святы Пасад паведаміў, што біскуп Мельхіёр Шы Хунчжэнь афіцыйна прызнаны пастырам Цяньцзіньскай дыяцэзіі ў Кітайскай Народнай Рэспубліцы ў адпаведнасці з грамадзянскім заканадаўствам.
Аляксандр Амяльчэня - Vatican News
Гэта рашэнне з'яўляецца станоўчым вынікам дыялогу, які на працягу гадоў вядзецца паміж Святым Пасадам і кітайскімі ўладамі.
Мельхіёр Шы Хунчжэнь нарадзіўся 7 кастрычніка 1929 года, быў высвечаны ў святары 4 ліпеня 1954 года і ў біскупы-каад'ютары Цяньцзіня 15 чэрвеня 1982 года. 8 чэрвеня 2019 года ён стаў пераемнікам біскупа Стэфана Лі Сідэ. У Цяньцзіньскай дыяцэзіі налічваецца каля 56 тысяч вернікаў у 21 парафіі, якім служаць 62 святары і значная колькасць манахінь.
Гэта падзея можа сведчыць пра паляпшэнне адносін паміж Святым Пасадам і Кітаем, а таксама пра больш шырокае прызнанне Каталіцкага Касцёла ў краіне.
27 жніўня 2024, 12:08
