Пантыфік сустрэўся з прэм'ер-міністрам Іспаніі
Аляксандр Амяльчэня - Vatican News
Сустрэча паміж Францішкам і Санчэсам праходзіла ў сардэчнай атмасферы. Пасля аўдыенцыі ў Папы, палітык сустрэўся з Кардыналам-дзяржсакратаром П'етра Паралінам і сакратаром па адносінах з дзяржавамі і міжнароднымі арганізацыямі, арцыбіскупам Полам Рычардам Галахерам.
Падчас гутаркі ў Дзяржаўным сакратарыяце адбыўся абмен меркаваннямі па двухбаковых адносінах і пытаннях, якія ўяўляюць узаемную цікавасць. Асаблівая ўвага была нададзена спрыянню плённаму дыялогу паміж мясцовым Касцёлам і ўладамі, а таксама паміж рознымі кампанентамі грамадзянскай супольнасці.
Удзельнікі сустрэчы таксама абмеркавалі некаторыя рэгіянальныя і міжнародныя пытанні. Асаблівая ўвага была нададзена бягучым канфліктам, падкрэслівалася важнасць тэрміновых намаганняў па падтрымцы міру. Акрамя таго, абмяркоўвалі сур'ёзны міграцыйны крызіс, асабліва ў Міжземнамор'і і на Канарскіх астравах.
