Пошук

Cookie Policy
The portal Vatican News uses technical or similar cookies to make navigation easier and guarantee the use of the services. Furthermore, technical and analysis cookies from third parties may be used. If you want to know more click here. By closing this banner you consent to the use of cookies.
I AGREE
Міратворцы ААН у Дэмакратычнай Рэспубліцы Конга Міратворцы ААН у Дэмакратычнай Рэспубліцы Конга  (AFP or licensors)

Святы Пасад: падтрымліваць міратворчыя аперацыі ААН

Напады на міратворцаў ставяць пад пагрозу бяспеку тых, хто служыць, і падрываюць намаганні, накіраваныя на павышэнне стабільнасці і абарону ўразлівых груп, - папярэдзіў Пастаянны назіральнік Святога Пасада ў ААН.

Марыя Валодзіна - Vatican News

12 лістапада 2024 года арцыбіскуп Габрыэле Кача выступіў на пасяджэнні Чацвёртага камітэта 79-й сесіі Генеральнай асамблеі ААН у Нью-Ёрку. Абмяркоўвалася пытанне дзейнасці па падтрымцы міру. (ПОЎНЫ ТЭКСТ)

Прадстаўнік Святога Пасада падкрэсліў важнасць міратворчых аперацый, асабліва ў сучасных умовах “росту геапалітычнага напружання, экалагічных крызісаў і парушэнняў правоў чалавека”. Ён выказаў глыбокую занепакоенасць у сувязі з нядаўнімі нападамі на міратворцаў (у Ліване на фоне канфлікту Ізраіля і Хезбала, рэд.), якія “не толькі ставяць пад пагрозу бяспеку тых, хто служыць, але і падрываюць больш шырокія намаганні, накіраваныя на павышэнне стабільнасці і абарону ўразлівых груп насельніцтва”.

Арцыбіскуп Кача адзначыў, што міратворчыя аперацыі ААН з’яўляюцца сімвалам міжнароднай салідарнасці і намаганняў дзяржаў-членаў, накіраваных на аднаўленне міру ў рэгіёнах, ахопленых канфліктамі. "Дзейнічаючы разам, дзяржавы-члены пракладваюць шлях да стабільных і бяспечных грамадстваў, нясуць супольную адказнасць за абарону самых безабаронных і за садзейнічанне міру, які павінен быць доўгатэрміновым, а не часовым", - зазначыў ён.

Дыпламат заклікаў міжнародную супольнасць узмацніць падтрымку гэтых жыццёва важных аперацый і гарантаваць бяспеку міратворцаў дзеля забеспячэння стабільнасці ва ўсім свеце.

14 лістапада 2024, 11:58
Prev
April 2025
SuMoTuWeThFrSa
  12345
6789101112
13141516171819
20212223242526
27282930   
Next
May 2025
SuMoTuWeThFrSa
    123
45678910
11121314151617
18192021222324
25262728293031