Божае Нараджэнне ў мастацтве: экскурсія ў Ватыканскіх музеях
Аляксандр Панчанка - Vatican News
Падчас унікальнага візіту наведвальнікі змогуць пазнаёміцца з творамі мастацтва розных эпох, якія адлюстроўваюць таямніцу Нараджэння Пана. Экскурсійны маршрут пралягае праз Музей Піа-Крысціяна, Пінакатэку, Верхнія галерэі, якія ўключаюць у сябе Галерэю кандэлябраў, габеленаў і геаграфічных карт, а завяршаецца сузіраннем фрэсак у Сікстынскай капэле.
“Гэта будзе падарожжа па папскіх калекцыяй скрозь час і прастору, каб сузіраць тое, што Папа Францішак называе “малымі шэдэўрамі прыгажосці”, - паведамляецца на сайце Ватыканскіх музеяў.
Калядныя візіты будуць адбывацца на італьянскай і англійскай мовах. Яны адрасаваны ўсім: пілігрымам, турыстам, сем’ям з дзецьмі, людзям з сэнсарнымі, маторнымі і інтэлектуальнымі асаблівасцямі. Ініцыятыва праводзіцца Ватыканскімі музеямі ўжо трэці год запар.
