У Ватыкане прадставяць міжнародны кангрэс пра будучыню тэалогіі
Аляксандр Амяльчэня - Vatican News
"Сучасныя выклікі патрабуюць ад нас новага погляду на тэалагічную навуку і яе ролю ў жыцці Касцёла", - падкрэслівае кардынал Хасэ Таленціна дэ Мендонса, прэфект Дыкастэрыі па культуры і адукацыі, якая выступае арганізатарам кангрэса, што пройдзе 9-10 снежня 2024 года ў Папскім Латэранскім універсітэце.
У прэс-канферэнцыі, апрача згаданага кардынала, возьмуць удзел біскуп Джавані Чэзарэ Пагацы, сакратар Дыкастэрыі па культуры і адукацыі, і прафесар П’ера Кода, тэолаг і генеральны сакратар Міжнароднай тэалагічнай камісіі.
Кангрэс павінен стаць важнай пляцоўкай для дыялогу паміж тэолагамі з розных краін свету.
Прамая трансляцыя прэс-канферэнцыі будзе даступная на афіцыйным YouTube-канале Vatican News. Чакаецца, што падчас сустрэчы будуць прадстаўлены асноўныя тэмы і напрамкі працы будучага кангрэса, а таксама яго значэнне для развіцця сучаснай тэалагічнай думкі.
