Աղօթք վասն Երանացման Աստուծոյ Ծառային՝ Երջանկայիշատակ Կարդինալ ԳՐԻԳՈՐ ՊԵՏՐՈՍ ԺԵ. ԱՂԱՃԱՆԵԱՆ-ին

Կարդինալ

ԳՐԻԳՈՐ ՊԵՏՐՈՍ ԺԵ. ԱՂԱՃԱՆԵԱՆ

ԱՂՕԹՔ

Վասն Երանացման Աստուծոյ Ծառային՝

Երջանկայիշատակ Կարդինալ

ԳՐԻԳՈՐ ՊԵՏՐՈՍ ԺԵ. ԱՂԱՃԱՆԵԱՆ

Կաթողիկոս Պատրիարքին

Տէր Յիսուս, Հովիւ քաջ եւ բարի

եւ Առաջնորդ հոգիներու,

որ Սուրբ Հոգւոյն շնորհքները

առատօրէն բաշխեցիր առաքեալներուդ

եւ ուզեցիր որ ըլլան հեզ եւ խոնարհ Քեզ նման,

եւ Քեզ քարոզեն համայն տիեզերքին,

Կ՚աղաչենք որ ընդունիս մեր պաղատանքը

եւ դասես մեր երջանկայիշատակ Հայրապետը

Գրիգոր Պետրոս ԺԵ. Աղաճանեան

Կաթողիկոս Պատրիարքը

երանելիներուդ ու սուրբերուդ հոյլերու շարքին։

Ան, հաւատարիմ Քո պատուէրիդ,

եղաւ հեզ եւ խոնարհ Քեզ նման, քաջ եւ բարի հովիւ,

հովուելով Հայ ազգի զաւակները։

Կ՚աղաչենք նաեւ որ անոր բարեխօսութեամբ,

լսես մեր աղօթքը եւ կատարես մեր խնդրանքը՝

արժանանալու Ս. Հոգւոյն առատ պարգեւներուն։

Կը հայցենք նաեւ որ բարեխօսութեամբ

մեր երանաշնորհ Հայրապետին

շնորհես մեզի այս յատուկ շնորհքը (...)

զոր խոնարհաբար եւ լի յոյսով կը հայցենք Քեզմէ։

Փառք Հօր եւ Որդւոյ եւ Հոգւոյն Սրբոյ... (3 անգամ)

—

Անոնք որոնք շնորքներ կ՚ընդունին Կարդինալ Աղաճանեանին

բարեխօսութեամբ, հրաւիրուած են իմացնել

Հայ Կաթողիկէ Պատրիարքարան, Պէյրութ - Լիբանան

Հեռ. +961 1 570 555/6 - patriarchate@armeniancatholic.org

* Փառք քեզ Աստուած երգը կատարած է Յակոբ Արքայ Մովսէսեանը