Մարսիլիոյ Տիրամօր Նուիրուած Notre-Dame-de-la-Garde մայր տաճարի հակիրճ պատմութիւնը

Վազգէն Աբարդեան - Վատիկան

Մարսիլիոյ Notre-Dame-de-la-Garde մայր տաճարը ճանչցուած է, որպէս «Բարի Մայր» որովհետեւ ան յոյսի, պաշտպանութեան նշան է ծովայիններուն, ձկնորսներուն եւ Մարսիլիոյ բնակիչներուն համար։

Տիրամօր տաճարը կը գտնուի քաղաքի Հին նաւահանգիստի հարաւային կողմը, 162 մթ բարձրութեամբ փոքրիկ բլուրին վրայ ու հիմնուած է Մարսիլիոյ թեմի եպիսկոպոս գերապայծառ Մազենոտի օրով։ Տաճարի կառուցման աշխատանքները սկսած են 11 սեպտեմբեր 1853 ու աւարտած ու օծուած է 4 յունիս 1864ին։

Տաճարը ունի 41 մթ բարձրութեամբ շքեղ զանգակատուն, որուն գագաթէն կարելի է հիանալ 11,20 բարձրութեամբ, 9796 քիլօ կշիռքով ոսկեզօծ Մանուկին հետ Տիրամօր հիասքանչ արձանով, որ զետեղուած 1870ին ու աշխատանքն է Բարիզցի քանդակագործ Eugène-Louis Lequesne։

Ամէն տարի 15 օգոստոսին, Տիրամօր վերափոխման տօնին օրը ուխտագնացութեան վայր հանդիսացող Տիրամօր նուիրուած մայր տաճարին ներքնամասը զարդարուած է աւելի քան 1200 մթ խճանկարներբվ բիւզանդական ոճով, ինչպէս նաեւ յատակներուն վրայ 380 մք Հռոմէական ոճով խճանկարներով երկրաչափական ձեւաւորումով։

Մարսիլիոյ Տիրամօր Մայր տաճարին դուրսը զետեղուած է Քրիստոսի դէմքը չորցնող Սրբուհի Վերանոիքային արձանը, ի յիշատակ 19-րդ եւ 20-րդ դարերուն այն Միսիոնարներուն որոնք տաճարին մէջ աղօթելէ ետք մեկնեցան աշխարհի տարբեր վայրեր աւետարանելու համար, խնդրելով Տիրամօր հովանին։

Ի վերջոյ եկեղեցւոյ մօտակայքը կը գտնենք, 2013 թուականէն փոքրիկ մատուր մը որ կը պատմէ աղօթավայրին 800 տարուայ պատմութիւնը։