Արամ Ա. կաթողիկոսը Նիւ Եորքի մէջ Վատիկանի ներկայացուցիչին հետ քննարկեց Արցախահայութեան առնչուած հարցեր
21 Նոյեմբեր 2023-ին, նախապէս ճշդուած ժամադրութեամբ, Արամ Ա. Վեհափառ Հայրապետին հետ հանդիպում ունեցաւ Միացեալ Ազգերու Կազմակերպութեան մօտ Վատիկանի ներկայացուցիչ Կապրիէլ Գաչիա Արքեպիսկոպոսը։
Հայրապետին մօտէն ծանօթ ըլլալով, Վատիկանի ներկայացուցիչին հանդիպումը Նորին Սրբութեան հետ տեւեց շուրջ երկու ժամ, մտերմիկ մթնոլորտի մէջ։ Քննարկումներուն մէջ կարեւոր տեղ գրաւեցին Արցախի հարցը, ինչպէս նաեւ Լիբանանի նախագահական ընտրութիւնը եւ Մեծի Տանն Կիլիկիոյ Կաթողիկոսութեան ու Վատիկանի սերտ յարաբերութիւնները։
Հանդիպումը առիթ հանդիսացաւ պարզելու Հայրապետին տեսակէտները եւ Կաթողիկոսարանին կողմէ կատարուած աշխատանքները, միաժամանակ իմանալու Վատիկանի մօտեցումները վերոյիշեալ հարցերուն շուրջ։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
