«ParishTime» Հայաստանի և Արևելեան Եւրոպայի Հայ Կաթողիկէ Առաջնորդութիւնն ունի նոր յաւելուած
Վատիկան Նիուզ - Հայկական Բաժանմունք
«Հայաստանի և Արևելեան Եւրոպայի Հայ Կաթողիկէ Առաջնորդութիւնը ունեցաւ նոր յաւելուած, որը հնարաւոր է ներբեռնել ինչպէս Android, այնպէս ալ IOS համակարգով»։ Լուրը կը կարդանք Հայաստանի և Արևելեան Եւրոպայի Հայ Կաթողիկէ Առաջնորդութեան կայքէջին վրայ ուր նաեւ նշուած է` որ «յաւելուածը ներբեռնելով՝ կարելի է գտնել ամենամօտ գտնուող Հայ Կաթողիկէ Եկեղեցին, ինչպէս նաև ծանօթանալ Ժամերգութիւններու և մատուցուող Սուրբ Պատարագներու ժամերուն»:
«Յաւելուածին մէջ ներկայացուած է տեղեկատուութիւն` ոչ միայն Հայաստանի, Վրաստանի, Ռուսաստանի և Արևելեան Եւրոպայի, այլեւ ամբողջ աշխարհի մէջ գործող Հայ Կաթողիկէ համայնքներու և թեմերուն մէջ ծառայող հոգևորականներու մասին: Նպատակն է կամուրջ ստեղծել ողջ հայութեան համար՝ միաւորելով զանոնք Հայ Կաթողիկէ Առաջնորդութեան ներքոյ» գրուած է միշտ այս առիթով Առաջնորդութեան հրատարակած յայտարարութեան մէջ ուր աւարտին կը նշուի թէ «Յաւելուածի միջոցաւ փոխանցուող նուիրատուութիւնները օգտագործուելու են Հայաստանի և Արևելեան Եւրոպայի Առաջնորդութեան ընթացիկ ծախսերը հոգալու համար»:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
