Առաջ մղել «չարտագաղթելու իրաւունք ունենալու» ուսումնասիրութիւնները․ Ֆրանչիսկոս Պապ
Մարիամ Երեմեան – Վատիկան
Ֆրանչիսկոս Սրբազան Քահանայապետը այսօր՝ սեպտեմբերի 29-ին ընդունեց «Փախստականներու և գաղթականներու կրթութեան նախաձեռնութիւններ» համաժողովի մասնակիցները, որոնց ուղղած իր պատգամին մէջ Ան գոհունակութիւն արտայայտեց Համաժողովի իրաւասութեան ՝ հետազօտութիւն, կրթութիւն, խթանում, ոլորտներէն ներս իրենց նպաստի համար, հաստատելով որ «գաղթականներուն բաւական չէ ընդունիլ, գաղթականներուն պէտք է նաև ուղեկցիլ, խթանել և ընդելուզել՝ չորս քայլ»։
Նախապատուութիւնը տալ խոցելիներուն
Պապը յատուկէն անդրադառնալով հետազօտութեան՝ յորդորեց, առաջ մղել այսպէս կոչուած «չարտագաղթելու իրաւունք ունենալու» ուսումնասիրութիւնները, այլ կերպ ըսած արտագաղթի պատճառները վերացնելու ուղիներ փնտռել․ «Կարևոր է անդրադառնալ գաղթի պատճառներուն և բռնութեան ձևերուն, որոնք կը մղեն մեկնել այլ երկիրներ»։
Կրթութեան բնագաւառին մէջ անոնց ներդրման առումով Սրբազան Քահանայապետը շնորհակալութիւն յայտնեց և նկատեց, որ դեռևս շատ ընելիքներ կան և նախապատուութիւնը առաւել խոցելիներուն պիտի տրուի։
Դպրոցները և համալսարանները նաև հանդիպումի և ընդելուզումի վայրեր
«Դպրոցները և համալսարանները գերադասելի այն վայրերն են, որոնք կարևոր են ոչ միայն կրթելու ու դաստիարակելու այլեւ հանդիպումի և ընդելուզման համար», ըսաւ հուսկ Սրբազան Քահանայապետը․ «Մենք կարող ենք հասունանալ մարդկութեան մէջ և միասին կառուցել աւելի մեծ «մենք» մը:
Մէկը միւսին նկատմամբ փոխադարձ պատրաստակամութիւնը կը ստեղծէ տարածքներ տարբեր տեսլականներու և աւանդոյթներու միջև մտքերու արդիւնաւէտ փոխանակումի համար, որոնք կը բանան միտքը նոր հեռանկարներուն» (Ուղերձ գաղթականներու և փախստականներու համաշխարհային օրուայ համար 2022):
Վերապատրաստել գործիչներ և ուսուցիչներ գաղթականներու մարտահրաւէրներուն համարժէք արձագանքելու համար
Ըստ Սրբազան Պապին գաղթականներու և փախստականներու մարտահրաւէրներուն համարժէք արձագանքելու համար անհրաժեշտ է վերապատրաստել գործիչներ և ուսուցիչներ, որուն կոչուած են կաթողիկէ համալսարանները։
Ֆրանչիսկոս Պապը դարձեալ մէջբերեց գաղթականներու և փախստականներու համաշխարհային օրուայ կապակցութեամբ իր պատգամէն խօսքեր․ «Պատմութիւնը մեզի սորվեցուցած է, որ գաղթականներու և փախստականներու ներդրումը հիմնարար եղած է մեր հասարակութիւններու սոցիալական և տնտեսական աճումին համար: Եւ այսօր էլ այդպէս է։ ․․․ ներդրումը կարող է շատ աւելի մեծ ըլլալ, եթէ ընդլայնուի և աջակցուի նպատակային ծրագիրներու միջոցաւ»։
Ամփոփելով իր պատգամը Սրբազան Պապը նշեց, որ Համաժողովի կատարած աշխատանքը ՝ հետազօտութիւն, կրթութիւն և հասարակական խթանում ոլորտներու մէջ իրենց «ուղեցոյցները» կը գտնեն ողջունել, պաշտպանել կամ ուղեկցիլ, խթանել և ընդելուզել բայերուն մէջ, որոնք կամփոփեն Եկեղեցւոյ յանձնառութիւնը գաղթականներու և փախստականներու նկատմամբ։
Սրբազան Պապը աւարտին օրհնեց բոլորը և խնդրեց որ աղօթեն իրեն համար։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
