Ֆրանչիսկոս Պապը հասաւ Ասդի

Վատիկան Նիուզ - Հայկական Բաժին

Սրբազան Քահանայապետը, շաբաթ 19 նոյեմբերին, Վատիկանէն մեկնեցաւ առաւօտեան 10,30 ին եւ Ասդի ժամանեց գրեթէ մէկ ժամ 45 վայրկեան տեւող թռիչքէ ետք, ուր

 դիմաւորուեցաւ «Portacomaro»-ի ժողովրդապետին կողմէ անմիջապէս ուղղուելով իր ազգականներուն տունը եւ ճանապարհի երկայնքին ողջունելով զինք սպասող հարիւրաւոր հաւատացեալներ։

Քահանայապետը ի միջի այլոց հանգրուան կատարեց իր մեծ հօր ու մեծ մօր երբեմնի ժողովրդապետութիւն` Հրեշտակներու Տիրամօր Եկեղեցի ուր ամփոփուեցաւ աղօթքի մէջ, հանդիպում ունեցաւ 100 տարեկան ծերունի տիկնոջ մը հետ ապա կէսօրուան ճաշը բաժնեկցեցաւ իր զարմիկներուն հետ։