Ֆրանչիսկոս Պապը նորոգեց խորհրդատու կարդինալներու Կարդինալական Խորհուրդը
Վատիկան Նիուզ – Հայկական Բաժին
Ֆրանչիսկոս Սրբազան Քահանայապետը նորոգեց Կարդինալական Խորհուրդը։ Նոր Խորհրդի անդամներն են. Կարդինալներ Փիեթրօ Փարոլին, Վատիկանի Պետքարտուղար, Ֆերնանտօ Վերկէս Ալծակա, Վատիկանի Պետութեան եւ Վատիկանի կառավարութեան Քահանայապետական յանձնախումբի նախագահ; Ֆրիտոլին Ամպոնկօ, Քինշասայի Արքեպիսկոպոս; Օսվալտ Կրասիաս, Պոմպէյի Արքեպիսկոպոս; Շոն Փաթրիք Օ’Մալլեյ, Պոսթոնի Արքեպիսկոպոս; Խուան Խօսէ Օմելլա, Պարսելոնայի Արքեպիսկոպոս; Ճերալտ Լաքրուա, Քեպեքի Արքեպիսկոպոս; Ժան-Քլոտ Հոլլերիխ, Լուսսեմպուրկի Արքեպիսկոպոս; Սերճօ տա Ռոքա, Սան Սալվատոր տէ Պահիայի Արքեպիսկոպոս: Քարտուղարն է Գերապայծառ Մարքօ Մելլինոն։
Խորհրդի յաջորդ նիստը պիտի կայանայ 24 Ապրիլին, առաւօտեան ժամը 9ին, Սանթա Մարթայի մէջ: Անցեալ տարուայ դեկտեմբերին կայացած է Խորհրդի վերջին նիստը, որ, ի թիւս այլ նիւթերու, նուիրուած էր ներկայիս Սինոդի ցամաքամասային փուլին։ Մինչ առաջին հանդիպումը տեղի ունեցած է 2013 թուականի հոկտեմբեր 1-էն 3-ը։
Նշենք թէ Քահանայապետի խորհրդական Կարդինալական խորհուրդը հաստատուած էր 28 սեպտեմբեր 2013-ին Ֆրանչիսկոս Պապին ձեռագրիր նամակով մը, որպէս նպատակ ունենալով աջակցիլ Սրբազան Քահանայապետին Տիեզերական Եկեղեցւոյ կառավարման անոր պարտականութեան մէջ, ինչպէս նաեւ ուսումնասիրած եւ իրականացուցած է Հռոմի Քուրիայի վերակազմակերպումը և բարեփոխումները՝ «Praedicate Evangelium» առաքելական նոր սահմանադրութեամբ, որ հրապարակուած է 2022 թուականի Մարտ 19ին։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
