ֆրանչիսկոս Պապ ընդունեց Սէյշելեան կղզիներուն նախագահը
Վազգէն Աբարդեան - Վատիկան
Շաբաթ, 16 մարտին, Վատիկանի Առաքելական պալատի իր գրասենեակին մէջ Ֆրանչիսկոս Պապ ընդունեց Սէյշելեան կղզիներու նախագահ տիար Վայէլ Ռամքալավանը։ Նախագահը ապա հանդիպում ունեցաւ Վատիկանի Պետական քարտուղար, կարդինալ Փիեթրօ Փարոլինի հետ ընկերակցութեամբ այլ պետութիւններու եւ միջազցային կազմակերպութիւններու հետ յարաբերութեան քարտուղար, Գերապայծառ Փոլ Ռիչարտ Կալլակերին։
Սուրբ Աթոռի մամլոյ գրասենեակին կողմէ հրապարակուած հաղորագրութեան մէջ կը կարդանք, որ հանդիպումները տեղի ունեցած են սիրալիր մթնոլորտի մէջ, երախտագիտութիւն արտայայտուած է Սուրբ Աթոռը եւ Սէյշելեան կղզիներու հանրապետութեան միջեւ գոյացած երկողմանի բարի յարաբերութեան համար, ինչպէս նաեւ կաթողիկէ եկեղեցւոյ ներդրումին համար ՝ընկերութեան ծառայութեան, յատուկէն կրթական եւ առողջապահական ոլորտէն ներս։
Հանդիպումի ընթացքին տեղի ունեցած են միտքերու փոխանակում երկրի ընկերային քաղաքական իրավիճակի շուրջ յատուկէն կեդրոնացած են երկու կողմերը հետաքրքրող նիւթերուն վրայ, որոնց շարքին շրջակայ միջավայրի պաշտպանութիւնը եւ թմրամիջոցներուն օգտագործման դէմ պայքարը։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
