Ֆրանչիսկոս Պապ. Աղօթենք քահանաներու, կրօնաւորուհիներու, նորընծաներուն կազմաւորման համար»

“[«Ամէն կոչում «չզտուած ադամանդ է» որ պէտք է փայլեցնել, մշակել, ձեւաւորել իր բոլոր երեսները։ Բարի քահանայ մը, կրօնաւորուհի մը նախ եւ առաջ պէտք են ըլլան մարդ մը, կին մը կազմաւորուած, ձեւաւորուած Տիրոջ շնորհքով։ Անձեր, որ գիտակից են իրենց սահմաններուն եւ պատրաստ են ապրելու աղօթքի, աւետարանի վկայութեան նուիրուած կեանք։ Անոնց պատրաստութիւնը պէտք է ըլլայ համապարփակ, պէտք է զարգանայ՝ դպրեվանքէն, նորընծայութենէն սկսեալ, անմիջականօրէն շփուելու այլ անձերու կեանքի հետ։ Դա հիմնական է։ Կազմաւորումը չ՝աւարտիր, որոշ շօշափելի պահուն, այլ կը շարունակուի բոլոր կեանքի ընթացքին, տարիներու հոլովոյթին, հարստացնելով անձը՝ մարդկային, հոգեկան, մտաւոր, զգացական գետնի վրայ։ Եւ այսպէս, նաեւ համայնքային կեանքի մէջ նախապատրաստութիւնը. Կը հարստանայ Հասարակաց կեանքը, նոյնիսկ եթէ երբեմն դժուար կը թուի։ Որովհետեւ միասին ապրիլը եւ հասարակութեան մէջ ապրիլը միեւնոյն բանը չէ։  Աղօթենք, որպէսզի կրօնաւորները, կրօնաւորուհիները աճին իրենց կոչումի ուղեւորութեան մէջ ՝մարդկային, հովուական ծառայութեան, հոգեւոր, համայնքային կազմաւորման միջոցաւ, ինչ որ զիրենք կ՝առաջնորդեն դառնալու Աւետարանի վստահելի վկաները։ ]”