Քահանայապետը սեպտեմբերին կ՛այցելէ Լիւսսեմպուրկը եւ Պելճիքան

Վատիկան Նիուզ - Հայկական բաժանմունք

«Ընդառաջելով համապատասխան Պետութիւններու Ղեկավարներու և Եկեղեցական իշխանութիւններու հրաւէրին, Ֆրանչիսկոս Պապը, սեպտեմբերի 26-ին առաքելական ճամբորդութիւն պիտի կատարէ Լիւսսենպուրկ, իսկ սեպտեմբերի 26-էն 29-ն Պելճիքա՝ այցելելով Պրիւքսէլ, Լուվէն, եւ Լուվէն լա նէօվ» Այս կը կարդանք Սուրբ Աթոռի մամլոյ գրասենեակին հրատարակած հաղորդագրութեան մը մէջ ուր նշուած է, որ ճամբորդութեան յայտագիրը պիտի հրատարակուի յառաջիկային։

Նորին Սրբութիւնը վերոնշեալ ճամբորդութիւնները պիտի կատարէ Սեպտեմբերի սկիզբը Ասիական ցամաքամաս կատարած 12 օր տեւող առաքելական ճամբորդութիւնէն ետքը` եւ ճամբորդութեան առիթներէն մին կը հանդիսանայ Լուվէնի Կաթողիկէ ֆրանսախօս, եւ KU Leuven հոլանտախօս Համալսարաններու հիմնադրութեան վեց հարիւր ամեակը։ Համալսարանները մինչեւ 1968 թուական միացած էին։