Ֆրանչիսկոս Պապ կը հանդիպի իրենց ձեռնադրութեան 40 ամեակը նշող քահանաներուն հետ
Վազգէն Աբարդեան - Վատիկան
Այսօր՝ 14 մայիս 2024ին, յետմիջօրէին, Ֆրանչիսկոս Պապ կը մեկնի Հռոմի «Սուրբ Յովսէփ» անուան ժողովրդապետութիւն ու կը հանդիպի իրենց ձեռնադրութեան 40 ամեակը նշող քահանաներուն հետ։ Լուրը տարածեց Հռոմի առաքելական փոխանորդութեան մամլոյ գրասենեակը տեղեկացնելով, որ հանդիպումի պիտի մասնակցին աւելի քան 60 քահանաներ ու ներկայ պիտի գտնուի ի շարս, Հռոմի Թեմի օգնական եպիսկոպոս արք Պալտօ Ռէյնա։
Յայտարարութենէն տեղեկացանք, որ 29 մայիսին, յետմիջօրէին ժամը 3,30ին, նորին Սրբութիւնը պիտի հանդիպի 2014էն մինչեւ 2024 տարիներուն ձեռնադրուած քահանաներուն հետ զոր տեղի պիտի ունենայ Հռոմ Discepole del Divin Maestro տան մէջ։ Անկէ վերջ Սրբազան Հայրը պիտի հանդիպի, 11էն մինչեւ 39 տարիներէ ի վեր ձեռնադրուած քահանաներու հետ։
«Սրբազան Հօր փափաքն է Հռոմի թեմի բաժիններու շրջագայութիւնը աւարտելէ ետք, հանդիպիլ իրենց ձեռնադրութեան տարիներուն համապատասխանող քահանաներուն հետ։ Անոր ցանկութիւնն է շարունակել պահպանել ուղիղ երկխօսութիւնը իր թեմերուն քահանաներուն հետ ուՊապը այս շրջագայութիւն կը սկսի հանդիպելով տարիքով աւելի հասուն քահանաներուն հետ ու բոլոր անոնց հետ որոնք անցուցած են Հռոմի թեմի տարբեր եղանակները, տեղեկացուց գերապայծառ Տէ Թովէ աւելցնելով, որ երկխօսութեան եւ քննարկման նիւթ պիտի ըլլայ վերջերս Յոբելեանը ազդարարող կոնդակի թեման։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
