Ֆրանչիսկոս Պապ կը հանդիպի իրենց ձեռնադրութեան 11էն մինչեւ 39րդ տարեդարձը նշող քահանաներուն հետ

Վազգէն Աբարդեան - Վատիկան

Այսօր՝ 11 յունիսին, յետմիջօրէին ժամը 3,30ին, Քահանայապետական Սալեզեաններուն համալսարանին մէջ Ֆրանչիսկոս Պապ կը հանդիպի իրենց քահանայական ձեռնադրութեան 11էն մինչեւ 39րդ տարեդարձը նշող քահանաները։ Լուրը հաղորդեց Հռոմի Թեմի մամլոյ գրասենեակը հրապարակելով հաղորդագրութիւն մը, որուն մէջ կը տեղեկացուի որ հանիպումին իրենց մասնակցութիւնը կը բերեն շուրջ 500 քահանաներ, ընկերակցութեամբ Հռոմի թեմի օգնական եպիսկոպոսներէն, գերապայածառ Պալտօ Ռէյնա եւ գերապայծառ Միքէլէ Տի Թոլվէ։

Անցեալ մայիս 14ին, Հռոմի թեմի աւագ քահանաներուն եւ անցեալ մայիս 29ին, երիտասարդ քահանաներու հետ հանդիպումէն յետոյ կը շարունակուին հոգեւորականներու հետ ունկնդրութեան եւ երկխօսութեան պահերը», նշուած է Հաղորդագրութեան մէջ։