Ֆրանչիսկոս Պապը շտապ օգնութիւններ կ՝ուղարկէ Ուքրանիա
Վազգէն Աբարդեան - Վատիկան
Ուքրանիոյ դէմ սանձազերծուած պատերազմէն առաջին օրէն իսկ Ֆրանչիսկոս Սրբազան Քահանայապետը յաճախ կոչեր ուղեց աղօթելու երկրի խաղաղութեան համար ու տարբեր ձեւերով նիւթական օգնութիւններ ուղարկեց՝ Ուքրանիոյ ժողովուրդին կողքին գտնուելու համար։ Բազմաթիւ եn Նորին Սրբութեան զօրակցութեան եւ մօտիկութեան ժեսթեր՝ ելեկտրական շարժիչ մեքնեաներէն մինչեւ սնունդի, ջերմային վերնաշապիկներու եւ վերմանկներու ուղարկում Ուքրանիա։
Անցեալ շաբաթ օր, Ֆրանչիսկոս Պապ առաջին օգնութեան դեղամիջոցներ ուղարկեց Ուքրանիա, յատկապէս պատերազմի վիրաւորներուն համար, հարիւր հազար եւրօ արժողութեամբ, պտուղը Առաքեալկան ողորմնաբաշխութիւն հասած նուիրատուութեան, Սուրբ Աթոռի մօտ դեսպանատան մը միջոցաւ։ ժեսթ մը մօտիկ կանգնելու դժուարութեան մէջ գտնուող ժողովուրդին, փորձուած աւելի քան երկու տարի հակամարտութիւններէն։
Ընկերութեան եզրին գտնուող անձերուն հոգ տանելու առաքելութիւնը Ֆրանչիսկոս Պապ յանձնած է բարեսիրական կազմակերպութեան վերատեսչութեան, որուն մարդասիրական գործունէութիւններու շարքին այս շաբաթ կազմակերպած է առողջապահական զննման ծառայութիւններ փողոցին մէջ աշխատողներու համար։ Շուրջ 50 անձեր զերծ են առողջապահութեան ազգային համակարգէն եւ շատ մը դէպքերուն չեն գիտեր, որ կարող են վտանգաւոր ըլլալ ինչպէս իրենց նաեւ ուրիշներու համար։
Քաղցկեղի դէմ պայքար փողոցի մէջ գտնուող կանանց համար
Սուրբ Աթոռի բարեսիրական կազմակերպութեան վերատեսչութիւնը յատուկ ուշադրութեամբ կը հետեւի ու կը ծառայէ ազգային առողջապահական համակարգէ զերծ եւ ընկերութեան եզրին գտնուող կանանց, կազմակերպելով առողջապահական մարզէն ներս բժշկական ծառայութիւններ, որոնց շարքին կրծագեղձի քաղցկեղի կանխարգիլան ծառայութիւներ, Սանթա Մարթա բժշկական կեդրոնէն ներս։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
