Ֆրանչիսկոս Պապ ժամանեց Սինկափուր՝ 45-րդ առաքելական ճամբորդութեան վերջին հանգրուանը։
Վազգէն Աբարդեան - Վատիկան
Չորեքշաբթի, 11 սեպտեմբերին, վերջ կը գտնէ Ասիա եւ Ովկեանոսեան երկիրներ կատարած Ֆրանչիսկոս Պապին առաքելական ճամբորդութեան երրորդ հանգրուանը՝ Թիմոր Լեսթի այցը ու սկիզբ կ՝առնէ Սինկափուրի առաքելական այցելութիւնը։
Թիմոր Լեսթի ժամով, առաւօտեան ժամը 09,30ին, Տիլիի մարզադաշտի մէջ երիտասարդներու հետ ունեցած հանդիպումէն ետք, Ֆրանչիսկոս Պապ կը փոխադրուի միջազգային օդակայան դէպի Սինկափուր փոխադրուելու համար։
Պապին հեռագիրը
Օդանաւով ճամբորդութեան ընթացքին Ֆրանչիսկոս Պապ սովորութեան համաձայն հեռագիրներ կ՝ուղղէ օդային տարածքէն սաւառնած երկիրներուն նախագահներուն։
Թիմոր Լեսթի նախագահին յղած հեռագիրին մէջ Սրբազան Հայրը իր երախտագիտութիւնը կը յայտնէ երկրի քաղաքացիական իշխանութեան ղեկավարներուն, ինչպէս նաւ բնակչութեան՝ ստացած ջերմ ընդունելութեան համար ապա իր աղօթքը կ՝ապահովուէ, որպէսզի Աստուած երկրին շնորհէ խաղաղութեան եւ զօրակցութեան պարգեւները։ Նորին Սրբութիւնը հեռագիրը կ՝աւարտէ հայցելով Աստուածային օրհնութիւնները
Թիմոր Լեսթի հանրապետութեան նախագահին ներկայութեամբ Հրաժեշտի պաշտօնական արարողութենէն ետք, թռիչք կ՝առնէ Նորին Սրբութիւնը ու անոր ընկերացող պատուիրակութիւնը դէպի Սինակփուրի մայրաքաղաք փոխադրող օդանաւը։ Շուրջ 4 ժամ տեւող թռիչքէ ետք տեղական ժամով յետմիջօրէին 2.15ին, օդանաւը վայր էջք կը կատարէ Սինկափուրի Changi միջազգային օդակայան, ուր Նորին Սրբութիւնը կը դիմաւորուի, Երիտասարդաց, մշակոյթի եւ հասարակութեան նախարարին, Սուրբ Աթոռի մօտ դեսպանին կողմէ ապա մի քանի երեխաներ Պապին կը նուիրեն փունջ մը ծաղիկներ։
Պատուիրակութիւններու միջեւ հանդիպումէն ետք Ֆրանչիսկոս Պապ ինքնաշարժով կը փոխադրուի, St Francis Xavier Retreat Centre gytor կեդրոնը ուր նախատեսուած է որ հանդիպում ունենայ Յիսուսեան միաբանութեան անդամներուն հետ։
592000 բնակչութիւն ունեցող Սինկափուրը փոքրիկ քաղաք մըն էու կը գտնուի Մալեզիա թերակղզիին ծայրը։ Սինկափուրի մէջ կաթողիկէ հաւատացեալներուն թիւը կը հաշուէ 175.872։ Թեմին Արքեկոպոսարանը կազմակերպուած է իր 29 ժողովրդապետութիւններով, 3 եկեղեցիներով ու թեմին մէջ կը ծառայեն 77 քահանաներ, արական կրօնական հաստատութիւններու 126 անդամներ եւ իգական կրօնական հաստաութիւններուն 156 անդամներ։ Կաթողիկէ եկեղեցին ունի 56 կրթական կեդրոններ, 33 բարեսիրական հաստատութիւններ ու Թեմին արքեպիսկոսն է կարդինալ Վիլիամ Սենկ Չայ Կոկ։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
