Ֆրանչիսկոս Պապի նախագահութեամբ արարողութիւններու նոյեմբերի եւ դեկտեմբերի օրացոյցը

Վազգէն Աբարդեան - Վատիկան

Շաբաթ, 12 հոկտեմբերին Քահանայապետական ծիսական արարողութիւններուն գրասենեակը հրապարակեց Հոկտեմբեր եւ դեկտեմբեր ամիսներուն, Ֆրանչիսկոս Պապին գլխաւորելիք ծիսական արարողութիւններուն օրացոյցը։

Նոյեմբեր ամիսը Ֆրանչիսկոս Պապ կը գլխաւորէ հետեւեալ ծիսական արարողութիւնները.

4 նոյեմբերին, առաւօտեան 11ին, Վատիկանի Սուրբ Պետրոսի տաճարին մէջ Ֆրանչիսկոս Պապ կը գլխաւորէ Սուրբ Պատարագի արարողութիւնը ի յիշատակ ընթացիկ տարուան ընթացքին վախճանած կարդինալներուն եւ եպիսկոպոսներուն։

Կիրակի 17 նոյեմբերին, աղքատներուն նուիրուած համաշխարհային օրն է։ Այս առթիւ Քահանայապետը սուրբ Պատարագ կը մատուցանէ Սուրբ Պետրոսի տաճարին մէջ առաւօտեան ժամը 9ին։

Իսկ կիրակի, 24 Նոյեմբերին, Քրիստոս Թագաւորի ծիսական տօնին ինչպէս նաեւ երիտասարդաց համաշխարհային օրուան զոյգ առիթներով Սուրբ Պետրոսի տաճարին մէջ Ֆրանչիսկոս Պապ կը գլխաւորէ Սուրբ Պատարագի արարողութիւնը։

Ֆրանչիսկոս Պապին նախագահութեամբ ծիսական արարողութիւներու դեկտեմբեր ամսուայ օրացոյցը կազմուած է հետեւեալ ձեւով. 

Շաբաթ, 7 դեկտեմբերին, յետմիջօրէին ժամը 4ին, Սուրբ Պետրոսի տաճարին մէջ Ֆրանչիսկոս Պապ կը նախագահէ նոր կարդինալներու ստեղծման հանրային սովորական ժողովին։

Իսկ Կիրակի 8 դեկտեմբերին, Անարատ Յղութեան Տիրամօր տօնին օրը, առաւօտեան ժամը 9,30ին, Սուրբ Պետրոսի տաճարի մէջ Ֆրանչիսկոս Պապին գլխաւորութեամբ կը մատուցուի Սուրբ Պատարագ, մասնակցութեամբ նոր նշանակուած կարդինալներու եւ կարդինալական դասին։ Նոյն օրը, յետմիջօրէին, ժամը 4ին, սովորութեան համաձայն Ֆրանչիսկոս Պապ կը մեկնի Հռոմի Սպանիա անուան հրապարակ ու պահ մը կ՝ամփոփուի եւ կաղօթէ երկար քարէ սիւն գագաթը զետեղուած Տիրամօր արձանին առջեւ։

12 դեկտեմբերին, Կուատալուփէ Տիրամօր ծիսական տօնին առթիւ, երեկոյեան ժամը 6ին, Սուրբ Պետրոսի տաճարին մէջ ֆրանչիսկոս Պապ կը նախագահէ սուրբ Պատարագի արարողութեան։