Սրբազան Պապը յայտարարեց 21 նոր Կարդինալներուն ստեղծումը

Ռոպէր Աթթարեան - Վատիկան

Կիրակի 6 հոկտեմբեր 2024ի կէսօրին իր գրասենեակի պատուհանէն արտասանած Մարեմեան աղօթքի աւարտին Սրբազան Քահանայապետը ուրախութիւն արտայայտեց յայտարարելու որ «յառաջիկայ 8 դեկտեմբերին պիտի գումարէ կարդինալական հաւաք me նոր կարդինալներու անուանումին համար»։

«Անոնց ծագման վայրը կ՛արտայայտէ Եկեղեցւոյ տիեզերականութիւնը, որ կը շարունակէ հռչակել Աստուծոյ ողորմած սէրը երկրի բոլոր մարդոց» ըսաւ Քահանայապետը աւելցնելով, որ անոնց ներառումը Հռոմի Թեմէն ներս կը բացայայտէ Պետրոսի Աթոռի և աշխարհի մէջ տարածուած յատուկ Եկեղեցիներու միջև անքակտելի կապը»։

Յայտնենք` որ 21 նոր կարդինալներէն միայն մէկը` Աչերպին ընտրող կարդինալ չէ, տրուած ըլլալով, որ 99 տարեկան է։ Անոնցմէ տասն Եւրոպացի են, որոնցմէ չորսը իտալացի, վեցն Ամերիկեան ցամաքամասէն, հինգը հարաւ ամերիկացիներ, չորսը ասիական ցամաքամասէն, մէկը ափրիկեցի։ Յառաջիկայ 8 դեկտեմբերին Կարդինալական դասին թիւը պիտի հասնի 256ի որոնցմէ 141 Քահանայապետ ընտրելու իրաւունքով իսկ 115 ոչ ընտրող։

Հետաքրքրական է նաեւ նշել, որ յառաջիկայ ութը դեկտեմբերին նոր նշանակուելիք կարդինալներու շարքին կայ ամենաերիտասրադ կարդինալը` Միքոլա Պիչոք որ 44 տարեկան է եւ ամենատարեցը Կարդինալ Անճելօ Աչերպին` 99 տարեկան։

Ապա 8 դեկտեմբերին նախատեսուած Կարդինալական Ժողովը պիտի հանդիսանայ Ֆրանչիսկոս Պապին գումարած 10րդ կարդինալ ընտրող Ժողովը։

Ահա նոր կարդինալներուն ցանկը.

Գերապ. Անճելօ Աչերպի, Առաքելական Նուիրակ

Գերապ. Քարլոս Կուսթավօ Քսթիլլո Մաթթասոլիօ, Լիմայի Արքեպիսկոպոս

Գերապ. Վիչենթէ Պոքալիչ Իկլիչ, Արժանթինի առաջնորդ ու Սանթիակօ տէ Էսթերոյի Արքեպսիկոպոս

Գերապ. Քապրերա Ճերարտօ Հերրերա, Կուայաքիլի Արքեպիսկոպոս

Գերապ. Նաթալիօ Շիմալի Կարիպ` Չիլէի Սանթիակոյի Արքեպիսկոպոս

Գերապ. Թարչիզիօ Իզաօ Քիքուքի Թոքիոյի Արքեպիսկոպոս

Գերապ. Փապլօ Վիրճիլիօ Տավիտ, Քալուքանի Եպիսկոպոս

Գերապ. Լաճիսլաւ Նեմէթ` Պէոկարտ Սմետերեվօ թեմին Արքեպիսկոպոս

Գերապ. Ճէղմ Սփենկէր` Փորթօ Ալեկրէի Արքեպիսկոպոս

Գերապ Ինիաս Պեսսի Տոկպօ, Ապիտժանի Արքեպիսկոպոս

Գերապ Թան Փոլ Վեսքօ, Ալճերի Եպիսկոպոս

Գերապ. Փասքալիս Պրունօ Սեուքուր, Ինտոնեզիայի Եպիսկոպոս

Գերապ. Ժոզէօ Մաթիու, Թեհրանի Արքեպիսկոպոս

Գերապ. Ռոպերթօ Ռեփոլէ, Թորինոյի Արքեպիսկոպոս

Գերապ. Պալտասսարէ Ռթյնա, այսօրուընէ Հռոմի Թեմին ընդհանուր Փոխանորդ

Գերապ. Ֆրանսիս Լէօ, Թորոնթոյի Արքեպիսկոպոս

Գերապ. Ռոլանտաս Մաքրիքաս, Մարիա Մաճճորէ Քահանայապետական պազիլիքային օգնական աւագերէց

Գերապ. Միքոլա Պիչօք, Ուքրանացիներու Մելպուրն Սուրբ Պետրոս Սուրբ Պօղոս Թեմին առաջնորդ

Հայր Թիմոթի Փիթըր Ժոզէֆ Ռատքլիֆ, աստուածաբան

Հայր Ֆապիօ Պաճճօ, Մարդկային համապարփակ զարգացումի Վերատեսչութեան ենթաքարտուղար

Հայր Ժորժ Եաքոպ Քոովաքատ, Քահանայապետի առաքելական ճամբորդութիւններու պատասխանատուն

Յայտարարութեան աւարտին Սրբազան Պապը հրաւիրեց աղօթել նոր կարդինալներուն համար «որպէսզի վերահաստատելով իրենց յարումը Քրիստոսին, Աւագ Քահանայ, ողորմած ու հաւատարիմ, ինծի օգնեն իմ Հռոմի Եպիսկոպոսի պաշտօնին մէջ, ի բարօրութիւն Աստուծոյ համայն սուրբ Ժողովուրդին» ըսաւ Ան։