Ֆրանչիսկոս Պապ. Արարչագործութիւններուն օրհներգը, ստեղծագործութեան հոգատարութեան հանդէպ մեծ դաս»
Վազգէն Աբարդեան - Վատիկան
Աշխարհի մէջ Իտալերէն լեզուի 24-րդ շաբթուան առթիւ, Սուրբ Աթոռի մօտ Իտալիոյ դեսպանատունը, համագործակցութեամբ «Հեթանոսներուն Գաւիթ»ին նախաձեռնեցին Սուրբ Ֆրանչիսկոս Ասսիզացիի Արարչագործութեան ձօնած օրհներգի ութերորդ հարիւրամեակի նուիրուած միջոցառում եւ տօնակատարութիւն մը։ Կարդինալ Ռաւազի եւս մասնակցեցաւ այդ միջոցառումին։ Ան իր արտասանած խօսքին մէջ հրաւիրեց երբեք չկորսնցնելու արարչագործութեան հրաշքը։
Սուրբ Ֆրանչիսկոս Ասսիզացիի Արարչագործութեան նուիրած օրհներգի ութերորդ հարիւրամեակի կապակցութեամբ, երեքշաբթի, 15 նոյեմբերին, Վատիկանի Պետական քարտուղար, կարդինալ Փիթրօ Փարոլին Ֆրանչիսկոս Պապին անունով շնորհաւորական պատգամ մը յղելով փոխանցեց Ֆրանչիսկոս Պապին յորդորը «շարունակելու արարչագործութեան խնամքի մէջ իրազեկման աշխատանքը» ընդգծելով, որ «Սուրբ Ֆրանչիսկոս Ասիզացցին օրհներգին մէջ կայ մեծ ուսմունք մը, որ երեք չդադրեցաւ հնչելէ ութը դարեր շարունակ»։
Կարդինալ Փարոլին պատգամին մէջ գրեց, որ «Ֆրանչիսկոս Պապ կը փառաբանէ Աստուած ամէն բանի համար, արարչագործութեան բոլոր բարիքներու համար», ու «Նորին Սրբութիւնը կը յորդորէ ըլլալու յոյսի, ուրախութեան գործիքները այսօրուան ընկերութեան մէջ , որ ազդուած է բազմաթիւ մարտահրաւէրներէն»։ Վատիկանի Պետական քարտուղարը, պատգամը աւարտեց ապահովուելով Ֆրանչիսկոս Պապին աղօթքն ու փոխանցելով առաքելական օրհնութիւնը բոլորին։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
