«Ներէ մեզի մեր պարտքերը։ Տուր մեզի քու խաղաղութիւնդ»։ 2025ի Խաղաղութեան համաշխարհային օրուան բնաբանը

Վատիկան Նիուզ – Հայկական Բաժին

Յառաջիկայ հինգշաբթի 12 դեկտեմբերին առաւօտեան ժամը 11,30նին, Սուրբ Աթոռի Մամլոյ գրասենեակին մէջ պիտի ներկայացուի Ֆրանչիսկոս Սրբազան Քահանայապետին 2025ի Խաղաղութեան Համաշխարհային 58-րդ Օրուան նուիրուած պատգամը։ Օր` որ կը յիշատակուի մէկ Յունուար 2025ին որուն այս տարուայ բնաբանն է «Ներէ մեզի մեր պարտքերը։ Տուր մեզի քու խաղաղութիւնդ»։

Մամլոյ ասուլիսին ելոյթ կ՛ունենան Կարդինալ Միքայել Չեռնի` Մարդկային համապարփակ զարգացումի ծառայութեան Վերատեսչութեան վերատեսուչը, Տիկ Քրիզան Վայանքուր Մըրֆի` Catholic Mobilizing Networkի գործադիր տնօրէն եւ ճարտարագէտ Վիթօ Ալֆիերի Ֆոնթանան։

Մամլոյ ասուլիսին կարելի է հետեւիլ Վատիկան Նիուզ «Եութուպի» կայանի միջոցաւ կապուելով հետեւեալ հասցէին https://www.youtube.com/c/VaticanNews