Կարդինալ Փարոլինը հանդիպած է Արաբական Պետութիւններու Լիկայի պատուիրակին ու մի քանի դեպաններու հետ
Վատիկան Նիուզ
Սուրբ Աթոռի Մամլոյ գրասենեակի հրատարակած հաղորդագրութիւն մը կը տեղեկացնէ թէ այսօր` «16 դեկտեմբերին Կարդինալ Փիեթրօ Փարոլինը հանդիպում ունեցած է Արաբական Պետութիւններու Լիկայի պատուիրակ` Տիկ Էնաս Սայըտ Մոհամէտ Ալի Մըքքաուիի հետ, ընկերակցութեամբ սոյն դեսպաններուն. Պաղեստինի դեսպան` Տիար Իսսա Քասսիսիէհ, Լիբանանի դեսպան Տիար Ֆարիտ Էլ Խազէն, Իրաքի Դեսպան Տիար Ռահման Ֆարհան Ապտուլլահ Ալաամերի, Եգիպտոսի դեսպան` Տիար Մահմուտ Թալաաթ։
Պետական քարտուղարութեան մէջ տեղի ունեցած զրոյցներու ընթացքին, վսեմաշուք Պետական Qարտուղարը Սուրբ Աթոռին մտահոգութիւնը արտայայտեց Իսրայէլի ու Պաղեստինի մէջ տիրող իրավիճակին համար եւ այս ուղղութեամբ վերահաստատեց.
- Տարբեր անգամներ Ֆրանչիսկոս Պապին կողմէ արտայայտուած զինադադարի կոչը
- Կազայի մէջ մարդասիրական օգնութիւններ երաշխաւորելու հրամայականը
- Եւ հրատապ անհրաժեշտութիւնը` ձեռք բերելու Երկու Պետութիւն լուծումը եւ Երուսաղէմ քաղաքին համար` միջազգայնօրէն ճանչցուած յատուկ կարգավիճակ, ի նպաստ տարածաշրջանի կայուն ու մշտական խաղաղութեան։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
