Կարդինալ Փարոլին այցելեց «Յիսուս Մանուկ» հիւանդանոցի հիւանդները ու բժիշկներէն խնդրեց մօտիկ կանգնիլ ընտանիքներուն
Վազգէն Աբարդեան - Վատիկան
Յիսուսի Սուրբ Ծննդեան տօնին առիթով, ինչպէս ամէն տարի, Վատիկանի Պետքարտուղար, կարդինալ Փիեթրօ Փարոլին այցելեց Հռոմի մէջ գտնուող «Մանուկ Յիսուս» մանկաբուժարանը, Ֆրանչիսկոս Սրբազան Քահանայապետի ողջոյններն ու Ծննդեան շնորհաւորութիւնները փոխանցելու համար հիւանդներու ինչպէս նաեւ բժիշկներուն։
Ծիրանաւորը բժշկական կարգ մը բաժանմունքներու սենեակներուն մէջ հիւանդներու կողքին արտասանեց Ողջոյն քեզ Մարեմեան աղօթքը ու փոխանցեց Ֆրանչիսկոս Պապին օրհնութիւնները։ Կարդինալը ապա հանդիպում ունեցաւ բժիշկներուն եւ հիւանդապահներուն հետ, որոնց Ծիրանաւոր ըսաւ, «դուք ձեզ նկատեցէք Սուրբ Աթոռի գործիչներ, դարձէք հիւանդներու համար յոյս»։
Կարդինալ Փարոլին հիւանդանոցին մէջ հանդիպում ունեցաւ աւելի քան 20 փոքրիկ հիւանդներու հետ, որոնցմէ մէկը Անճելօ Անունով մանուկ մը, որ ծիրանաւորին հարցուց եթէ Ինք Հայր Փիոն է ։ Կարդինալը մանուկներու եւ անոնց ընտանիքներու փոխանցեց Ֆրանչիսկոս Պապ փոքրիկ պատկեր մը ինչպէս նաեւ Քրիստոսի դէմքով փոքրիկ խաչ մը։
Կարդինալ Փարոլին բժիշկներուն հետ ունեցած զրոյցի ընթացքին ապահովուեց որ հիւանդանոցին նախագահին հետ միասին շօշափելի կապերով կը հետեւի հիւանդանոցի գործունէութիւններուն ու ակնարկեց կարգ մը ծրագիրներու մասին, որոնք մօտ օրէն պիտի իրականանան։
Ծիրանաւորի ապա անդրադառնալով այն հարցումին, որ շատեր հարց կու տան թէ Սուրբ Աթոռը պէտք է որ ունենայ եւ մատակարարել հիւանդանոցներ ըսաւ, որ« Սուրբ Աթոռը կ՝իրականացնէ Յիսուսի՝ հիւանդները բուժելու առաքելութիւնը։ Յիսուս եկաւ ամոքելու, մեղքերը ներելու նաեւ մարմիններն ու հոգիները բուժելու ու այս պարտականութիւնը տուաւ առաքեալներուն, որ եկեղեցին միշտ շարունակեց այսօր եւ կ՝իրականացնէ Յիսուսի Մանուկ հիւանդանոցին միջոցաւ։ Հիւանդանոց մը որ բարձր գնահատուած է քաղաքական ղեկավարներուն, Պետութիւններու կողմէ, որոնք կու գան կ՝այցելեն եւ կապ կը հաստատեն հիւանդանոցին հետ։
Կարդինալ Փարոլին բժիշկներու եւ հիւանդապահներու ուղղած խօսքին մէջ շնորհակալութիւն յայտնեց նաեւ անոնց կատարած աշխատանքներու համար նշելով, որ անոնք իրենց աշխատանքով վկայութիւնը կու տան Յիսուսի առաքեալներուն տուած առաքելութեան մասին։ Կարդինալ Փարոլին քաջալերեց յառաջ ընթանալ քաջութեամբ եւ գորովով, յատուկէն մօտիկ կանգնելով ընտանիքներուն։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
