Գերապայծառ Կէյնզուէյն նշանակուեցաւ Լիթուայի Էսթոնիայի և Լաթուիայի մօտ Առաքելական Նուիրակ

Վատիկան Նիուզ - Հայկական Բաժանմունք

Ֆրիպուրկի իր Թեմին մէջ մէկ տարի ապրելէն ետքը, Քահանայապետական Տան երբեմնի Կառավարիչ` Գերմանացի Արքեպիսկոպոս Գերապայծառ Կէորկ Կէյնզուէյն դարձաւ Լիթուայի, Էսթոնիայի և Լաթուիայի մօտ առաքելական նուիրակ։ Նշանակումի լուրը հրատարակեց Սուրբ Աթոռի Մամլոյ գրասենեակը։

Գերապայծառ Կէյնզույն երկար տարիներ եղած է նաեւ երջանկայիշատակ Պենետիկտոս ԺԶ Քահանայապետին յատուկ քարտուղարը եւ անոր մահէն ետքը, աւարտելով Քահանայապետական Տան հոգաբարձութեան իր պաշտօնը Ֆրանչիսկոս Պապին կարգադրութեամբ վերադարձ կատարած էր իր ծննդավայր` Ֆրիպուրկ Թեմ։

Ան կը յաջորդէ Գերապայծառ Փիթըր Ռաժիչին, որ անցեալ 11 Մարտին նշանակուեցաւ Իտալիոյ եւ Սան Մարինօ հանրապետութիւններուն մօտ Սուրբ Աթոռի դեսպան։

Յայտնենք` որ Ֆրանչիսկոս Պապը 3 Յունուար 2024ի,ն ունկնդրութիւն շնորհած էր գերապայծառ Կէյնզուէյնին երբ Ան Վատիկան ժամանած էր գլխաւորելու համար Պենետիկտոս ԺԶ մահուան տարելիցի պատարագը։