Գերպ Կալլակեր կ՝այցելէ Ֆիլիփինեան թերակղզի

Վազգէն Աբարդեան - Վատիկան

Սուրբ Աթոռի պետութիւններուն եւ միջազգային կազմակերպութիւններու հետ յարաբերութեան քարտուղար, գերապայծառ Փոլ Ռիչարտ Կալլակեր, 1էն-5 յուլիսին առաքելական այցելութեամբ կը ժամանէ Ֆիլիփինեան թերակղզի։
Վատիկանի Պետական քարտուղարութեան հրապարակած հաղորդագրութեան համաձայն, գերապայծառ Կալլակեր երկուշաբթի, 1 յուլիսին, կը մասնակցի Մանիլիայի Պապական Նուիրակի պալատին մէջ կազմակերպուած Հայրերու նուիրուած տօնին։ Երեքշաբթի, 3 յուլիսին գերապայծառ Կալլակեր քաղաքավարական այցելութիւնը կը կատարէ Ֆիլիփինեան թերակղզիի նախագահ, տիար Ֆէրտինան Մարքոսին, 3 յուլիսին կը մասնակցի Մալայպալային մէջ գումարուելիք Ֆիլիփինեան թերակղզիի եպիսկոպոսաց համահաւաք դասի ընդհանուր նիստին, 4 յուլիսին,Մալայպալային Փոխակերպման անուան վանքին մէջ Սուրբ Պատարագ կը մատուցանէ Փիլիպինի եպիսկոպոսներուն հետ միասին։

Սուրբ Աթոռի պետութիւններուն եւ միջազգային կազմակերպութիւններու հետ յարաբերութեան քարտուղար, գերապայծառ Փոլ Ռիչարտ Կալլակեր ,Ֆիլիփինեան թերակղզի այցելութիւնը կ՝աւարտէ ներկայացնելով դասախօսութիւնը արտաքին գործոց նախարարութեան հետ կապուած արտաքին գործոց հաստատութեան մէջ։