Ֆրանչիսկոս Պապը Վատիկանի Արխիւի ու գրադարանի մեծ մաս կը տեղափոխէ Հռոմի Քահանայապետական մեծ նորընծայարան
Վազգէն Աբարդեան - Վատիկան
Ֆրանչիսկոս Պապ որոշեց «տեղափոխել» Վատիկանի արխիւի եւ գրադարանի փաստաթուղթերուն մեծ մասը, զանոնք փոխադրելով քահանայապետական Հռոմէական մեծ նորընծայարանի շէնքի տարածքները, այդ թանկարժէք ժառանգութիւնը աւելի հասանելի դարձնելու համար։
Ֆրանչիսկոս Պապ այս որոշումը պաշտօնականացուց, 29 հոկտեմբեր թուակիր ինքնագիր նամակով, զոր հրապարակուեցաւ 12 նոյեմբերին, ունենալով որպէս նպատակ բարելաւել արխիւներու պահպանումը ու կառավարումը։
Ծրագիրի իրականացման համար Վատիկանի Արխիւն ու գրադարանը պիտի համագործակցին հետեւելով անհրաժեշտ ընթացակարգերուն։
Ֆրանչիսկոս Պապ հրամայեց նաեւ ստեղծել յանձնաժողով մը, կազմուած ներգրաւուած հաստատութիւններու ներկայացուցիչներէն՝ փոխադրուելիք փաստաթուղթերը քննարկելու համար ու այդ յանձնաժողովը կրնայ գործել վերանորոգման աշխատանքներու հետ միաժամանակ։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
