Սկիզբ առաւ Հայաստանի մէջ առաքելական նուիրակի առաքելութիւնը

Վազգէն Աբարդեան - Վատիկան

Սկիզբ առաւ Հայաստանի մէջ Սուրբ Աթոռի նորանշանակ առաքելական նուիրակ գերպ Անտէ Յոզիչի առաքելութիւնը՝ Հայաստանի մէջ։ Լուրը կը կարդանք Վատիկանի «Օսերվաթորէ Ռոմանօ» օրաթերթին, 11 նոյեմբերին հրապարակած յօդուածին մէջ, ուր կը նշուի որ Արքեպիսկոպոս Անտէ Յոզիչ երեւան ժամանեց 25 սեպտեմբերին ու դիմաւորուեցաւ Հայաստանի արտաքին գործոց նախարարին կողմէ։ Միեւնոյն օրը արքեպիսկոպոսը իր հաւատարմագիրը ներկայացուց արտաքին գործոց փոխ նախարարին, Պարոյր Յովանէսեանին։

Յաջորդը օրը Արք. Յոզիչ ներկայ գտնուեցաւ Հայաստանի, Վրաստանի, Ռուսաստանի, Ուքրանիոյ և Արևելեան Եւրոպայի Հայ Կաթողիկէներու նորանշանակ Առաջնորդ՝ Արհիապատիւ Տէր Գէորգ Արքեպիսկոպոս Նորատունկեանի գահակալութեան արարողութեան, Կիւմրիի Սրբոց նահատակաց Հայ Կաթողիկէ Աթոռանսիտ եկեղեցւոյ մէջ ճանչնալով տեղւոյն կաթողիկէ հասարակութիւնը։

28 սեպտեմբերին, Արք Անտէ Յոզիչ այցելեց Էջմիածին ու հանդիպում ունեցաւ Նորին Սրբութիւնը Ամենայն հայոց Գարեգին Բ Կաթողիկոսին հետ։

2 հոկտեմբերին, Հայաստանի մէջ առաքելական նուիրակը պաշտօնապէս իր հաւատարմագիրը յանձնեց Հայաստանի Հանրապետութեան նախագահ Տիար Վահակ Խաչատուրեանի, փոխանցելով Պապին բարի մաղթանքները եւ խոստանալով որ պիտի աշխատի խաղաղութեան, ինչպէս նաեւ Սուրբ Աթոռի եւ Հայաստանի միջեւ երկկողմանի յարաբերութիւններուն զարգացման համար։