Լոյս տեսաւ Քահանայապետի յուղարկաւորութեան ծիսակատարութեան գիրքի նոր հրատարակութիւնը
Ռոպէր Աթթարեան - Վատիկան
Քահանայապետական ծիսակատարութեան Գրասենեակը ի լոյս ընծայեց « Ordo Exsequiarum Romani Pontificis» այսինքն Քահանայապետի Յուղարկաւորութեան կարգի երկրորդ հրատարակութիւնը, զոր Ֆրանչիսկոս Պապը վաւերացուցած էր անցեալ 29 ապրիլ 2024ին եւ կը պարունակէ նորութիւններ` 1998 առաջին հրատարակութեան բաղբաղմամբ։ Հիմնական փոփոխութիւններու շարքին է մահուան դիտարկումը, որ այլևս ոչ թէ հանգուցեալի սենեակին մէջ, այլ մատրան մէջ կը կատարուի, և դիակի անյապաղ յանձնումը դագաղին՝ ապա հանգուցեալը ցուցադրել բաց դագաղի մէջ` հաւատացեալներու մեծարանքի համար։
Ծիսակարգին վերանայումը ընդգծեց ծէսը պարզեցնելու անհրաժեշտութիւնը՝ աւելի լաւ արտացոլելու Եկեղեցւոյ հաւատքը և Պապի կերպարը՝ որպէս հովիւ: Ծիսակարգի կառուցուածքը վերափոխուած է՝ հիմնուելով Յովհաննէս Պօղոս Բ-ի և Պենետիկտոս ԺԶ-ի յուղարկաւորութեան փորձի վրայ և թարմացուած է նոր Սահմանադրութեան՝ «Prædicate Evangelium»-ի հիման վրայ:
Յուղարկաւորութեան երեք աւանդական կայանները պահպանուած մնացին. առաջինը հանգուցեալի տան մէջ, մարմնի ճշգրիտ տեղադրմամբ փայտէ և ցինկէ դագաղի մէջ. երկրորդը Վատիկանի Պազիլիքայի մէջ՝ մարմնի անմիջական ցուցադրութեամբ դագաղի մէջ. վերջապէս, երրորդը դէպի թաղման վայր, որ աւելի պարզ դարձած է շնորհիւ աւանդական երեք դագաղներու վերացման: Բառամթերքը ապա միաձեւուած է 2008 թուականի Missale Romanum բառամթերքին և պարզեցուած է հայրապետական տիտղոսներուն մէջ:
Առանձնայատուկ ուշադրութիւն տրուեցաւ ծիսական կարգի գրութիւններուն, որոնք համահունչ են Հռոմէական Պատարագամատոյցի երրորդ հրատարակութեան հետ։ Աւելին, ինը օր շարունակ յիշատակուող մահացած Պապի պատարագները կը ներկայացնեն չորս աղօթքի ձևեր զոր կարելի է ընտրել: «Ordo Exsequiarum-ը չի ներառեր մեծ յաւելուած՝ դառնալով աւելի պարզ գործառական և մատչելի գիրք պապական յուղարկաւորութիւններու արարողութեան ու հասարակութեան ներգրաւման համար:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
