Սեպտեմբերեան մարտերուն պատճառով Հայկական կողմի զոհերու թիւը 224
13-14 սեպտեմբերին ազրպէյճանական յարձակման պատճառով հայկական կողմի զոհերու թիւը 224 է: Քննչական կոմիտէի մամլոյ բանբեր Գոռ Աբրահամեան «Ազատութիւն» ձայնասփիւռի կայանին յայտնեց, որ այս պահու դրութեամբ բոլոր` 224 զոհերու ինքնութիւնները պարզուած են, նոյնականացման գործընթացը աւարտած է:
«Բազմակողմանի քննութիւն կ՛իրականացուի իւրաքանչիւր զոհի մահուան հանգամանքները պարզելու գնահատական տալու համար», աւելցուց Գոռ Աբրահամեան:
Պաշտօնական Երեւանը աւելի կանուխ յայտնած էր նաեւ տարածքային կորուստներու մասին` յայտարարելով, որ Ազրպէյճանը գրաւած է Հայաստանի ինքնիշխան տարածքի շուրջ 140 քառ. քմ:
Ազրպէյճանական կողմը պաշտօնապէս շուրջ 80 զոհի մասին յայտարարած է:
Աղբիւրը ՝Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
